Puspè bumbardaments sin Asas
-
- Zoom
- Ulteriuras attatgas sin las citads Asas, Aleppo, Homs e Hirak. (Reuters)
L'aviatica da la Siria ha puspè bumbardà il center dals rebels Asas en il nord da la Siria. Quai communitgescha il post d'observaziuns per dretgs umans a Londra.
Tar in'attatga sin Asas mesemna passada eran var 40 persunas vegnidas mazzadas. Tenor l'organisaziun hajan truppas da la regenza era oz bumbardà las citads dad Aleppo, Homs e Hirak.
Tar las attatgas sin Aleppo saja tranter auter in cumandant regiunal dals rebels vegnì mazzà.
Il post d'observaziun pretenda plinavant che prest 130 persunas sajan vegnidas mazzadas ier tar cumbats en l'entir pajais, tranter quels 90 civilists.
(fa/sda)
