Requirents d’asil duain dar giu prova da DNA
-
- Zoom
- Maletg da simbol: Center per requirents d'asil. (Keystone)
En Svizra duain requirents d'asil dar giu sang per ina banca da datas da controlla. Quai pretenda il cumandant da la polizia dal Giura, Olivier Guéniat, per mauns da la conferenza dals directurs da giustia e polizia chantunals.
Gist en il Giura saja il dumber da delicts da requirents d'asil creschì, di Guéniat en in’intervista en la "SonntagsZeitung" e "Le Matin Dimanche".
La DNA gidassi ad identifitgar delinquents, perquai che la polizia chattia adina puspè fastizs da DNA en il lieu dal delict.
Tar ils requirents d'asil sa tractia quai da tals refusads che na respectian betg las reglas. La proposta vegn tematisada a la conferenza da gievgia e venderdi.
(fa/sda)
