IIHF

Nov project per in turnier europeic da hockey

  • Publicaziun: 20-08-2012, 16.00

Trais onns suenter la fin da la Champions League da hockey sin glatsch vul la Federaziun internaziunala da hockey IIHF lantschar in nov project per in turnier europeic da hockey. Fin la stad che vegn duai ina gruppa da lavur elavurar propostas concretas.

Quai ha la IIHF decidì ils 15 d’avust a chaschun d’in inscunter cun las Federaziuns naziunalas da hockey, las ligas europeicas e la KHL russa. L’emprima ed unica ediziun da la Champions Hockey League è stada la stagiun 2008/2009. Quella vevan ils ZSC Lions gudagnà. (aw/si)