Nov test da trisomia 21
A partir dad oz datti en Svizra in nov test dal sang ch'infurmescha las dunnas en speranza sche l'uffant betg anc naschì ha ina trisomia 21. L'impediment che vegn era numnà "sindrom da down" po uschia vegnir eruì pli simpel che cun il test da l'aua da la vaschia.
Organisaziuns per persunas cun impediments vesan en il test dentant era in dischavantatg. Ellas teman ch'il squitsch social creschi da laschar far il test e da tut tenor far in abort. (aw/sda)
