Uschè bler traffic sco anc mai sin via
-
- Zoom
- Dapli traffic chaschuna er dapli colonnas. (Keystone)
L'onn passa èn charrads uschè blers autos e camiuns sin las vias naziunalas sco anc mai. Sco quai che l'uffizi federal da vias ASTRA scriva sajan vegnì charrads prest 26 milliardas kilometers sin las autostradas svizras. Quai èn prest 3 % dapli che l'onn avant.
Dapli traffic chaschuna era dapli incaps e colonnas sin las vias. Uschia ha l'uffizi federal da vias registrà passa 12’000 communicaziuns da traffic. En tut han ils automobilists spetgà passa 19’000 uras en colonnas, 20 % dapli che l'onn avant. Sco quai che l'ASTRA scriva cuntanschian differents trajects da las autostradas svizras ils cunfins da capacitad. (aw/sda)
