Dieta annuala dal fond svizzer ha cumenzà
-
- Zoom
- Sin l'Alp Flex vegn nizzegià il mument cun l'agid dal FSC ina schanza unica per metter las lingias da telefon ed electricitad en la terra. (RTR, S. Hug)
Ina giada ad onn fa il fond svizzer da la cuntrada ina dieta extraordinaria. Quest onn visitan els il chantun cun il segund blers agid dal fond. Il fond svizzer da la cuntrada FSC ha investì dapi sia fundaziun avant passa 20 onns radund 16 milliuns francs en il chantun grischun.
Quai n'ha betg mo da far cun la grondezza dal chantun. Il chantun Grischun ha ina gronda varietad da natiras da cultura che dovran tgira e bregia. Cun quels daners ha il fond promovì 200 projects per la tgira e la plivalur da cuntradas da cultura natiralas.
Quai scriva il FSC en ina communicaziun. Il fond fa sia dieta annuala en il Surmir e l'Engiadina nua ch'el sa lascha infurmar davart las lavurs sin l'alp Flex e la revitalisaziun da las auas da l'En a Bever. (sd/cdp)
