Anteriur cusseglier federal Otto Stich è mort
-
- Zoom
- Otto Stich è stà cusseglier federal dal 1983 fin il 1995. (Keystone)
L’anteriur cusseglier federal Otto Stich è mort cun 85 onns. Il politicher da la PS è stà cusseglier federal da 1983 fin 1995. La PS sco era il president dal cussegl naziunal Hansjörg Walter han confermà la mort dal politicher. Il cusseglier naziunal ha fatg spontan ina minuta da silenzi per Stich, suenter ch’el ha udì da sia mort.
Stich è vegnì elegì il 1983 sco cuntracandidat a la candidata uffiziala Lilian Uchtenhagen, omadus da la PS. El ha acceptà la nominaziun cunter la veglia da la direcziun da la partida.
Otto Stich ha surpiglià il departament da finanzas. Ses pli impurtants affars èn l'introducziun da la taglia sin plivalur. Quella è vegnida acceptada il 1993 suenter la 4. prova. 1995 è Stich sa retratg da sco cusseglier federal. Tenor indicaziuns da ses figl, è Stich sa durmentà paschaivlamain mesemna notg.
Onuraziuns per Otto Stich
Il cussegl federal ha condolà a la famiglia en malencurada ed en il parlament federal hai dà minutas da silenzi per la mort da l'anteriur minister da finanzas. El vegnia a restar en memoria sco persunalitad marcanta e cordiala, uschia scriva la regenza federala.
Il president dals social democrats Christian Levrat ha titulà Stich sco in dals pli vardaivels e populars cussegliers federals en l'istorgia. (sd/sda)
