Millis demonstreschan cunter presidenta Fernandez
-
- Zoom
- Millis demonstreschan a Buenos Aires cunter la presidenta Cristina Fernandez. (Keystone)
En l'Argentina han demonstrà pliras milli persunas cunter la regenza da la presidenta Cristina Fernandez. Ellas han crititgà surtut la corrupziun ed ils crims, ma era l'inflaziun ch'è s'augmentada sin dapli che 25% ad onn.
Ils critichers da la presidenta da l'Argentina teman ch'ella pudess nizzegiar sia maioritad en il congress per sa segirar ina terza perioda d'uffizi. Tenor la constituziun n'è quai actualmain betg lubì. (gc/sda)
