Giuven confessa assagl da rapinament
-
- Zoom
- Campascio sa chatta en il sid da Brusio. (Google Maps)
En in'acziun sur cunfin han la polizia chantunala e la polizia taliana arrestà in giuven da 26 a Campocologno. Quel duai avair fatg l'assagl da rapinament a Campascio en la vischinanza da Brusio tar ina dunna da 93 onns. El duai avair engulà plirs tschients francs e bischutaria avant 4 dis.
Entant haja il giuven confessà parts dal delict. Las inquisiziuns cuntinueschan. Tenor las infurmaziuns da la dunna sa tractavi da 3 persunas ch'eran entradas glindesdi passà en l'abitaziun, avevan rentà la nettegiunza da 60 onns vi d'ina sutga ed engulà ils daners e la bischutaria da la dunna da 93 onns. (sd/pocha gr)
