Fin ussa è vegnì tematisà en il cumbat electoral cunzunt temas da la politica da l’intern, sco per exempel la gronda dischoccupaziun. L’attatga d’islamists sin il consulat americana a Bengasi, nua ch’il ambassadur e 3 da ses collavuraturs èn morts han schoccà l’America. Profitar da quell’attatga ha sco i para er vulì il candidat republican per il presidi american, Mit Romney.

 

Romney attatga regenza d'Obama

Romney ha crititgà gia il mardi passà co la regenza d’Obama haja reagì sin l’attatga a Bengasi. La mesemna ha la regenza d’Obama alura condemnà las attatgas dals islamists a Cairo e Bengasi.

Quai n’ha dentant betg tanschì a Romney. El ha crititgà vinavant Obama e sia regenza e ditg ch’i na saja mai memia tard da defender las valurs americanas. La regenza americana defendia anc adina sia decleraziun che “simpatiseschia cun quels ch`han assaglì noss’ambassada en Egipta”, uschia Romney.


Critica er dal republicans

Dentant che ha crititgà frontal il president Barack Obama co el ha reagì en quella crisa, n’ha betg mo purtà vusch negativas dals democrats, mabain er or dal agen ravugl. Er republicans han crititgà Romney ch’el vegli instrumentalisar la crisa per ses dabun.


(gc/sda)