60 plazzas supplementaras da studi medicinal
-
- Zoom
- Il 2018 duain en Svizra bun 1100 students far lur diplom da medi, 220 dapli che quai ch'igl è il mument il cas. (Keystone)
L'universitad da Turitg survegn 60 plazzas da studi medicinal supplementars. Quai ha decidì la regenza turitgaisa.
Uschia porscha l'universitad davent l'onn da studi 2013/2014 da nov 300 plazzas da studi per la medischina umana. Uschia portia Turitg quint al basegn svizzer per dapli plazzas da studi, communitgescha la regenza da Turitg.
Finamira saja d'auzar il dumber da diploms da medi sin l'onn 2018/2019 en l'entira Svizra sin 1'100. Actualmain fan en Svizra mintg'onn 880 lur diplom da medi. (gc/sda)
