Restricziun per utilisar plazza da giugar
-
- Zoom
- La plazza da giugar a Tumein po mo pli vegnir utilisada ordaifer il temp da scola (RTR, V. Rominger)
La plazza da giugar a Tumein sa mo pli vegnir duvrada limitadamain. Vul dir, mo sche la scolina è serrada. La raschun è che la scola internaziunala Svizra, la SIS, ha piglià a tschains la plazza da giugar.
-
- Zoom
- La plazza da giugar a Tumein. (RTR, V. Rominger)
Durant 2 onns ha quai funcziunà. Il davos temp sa è la scola privata dentant sa chattada disturbada. Tenor il chanzlist da Tumein, Adriano Jenal, devi utilisaders che han disturbà las lecziuns.
Saja quai cun pitgar vi da la portas, fanestras ni cun utilisar las tualettas. Perquai ha la suprastanza da la vischnanca decis questa stad da serrar la plazza durant il temp da scolina.
Ussa è la suprastanza vidlonder da tschertgar ina soluziun. En dumonda stà ina nova plazza da giugar. Cura e sche quai dat ina nova plazza da giugar, na pudeva Adriano Jenal betg dir. (vr/sd/rtr)
