Brahimi tema consequenzas per l’entir mund
-
- Zoom
- Lakhdar Brahimi (davos sanester) tar l’inscunter cun Baschar al-Assad (davos dretg) a Damascus. (Keystone)
En la Siria è l'intermediader spezial da l'ONU e da la liga araba Lakhdar Brahimi sa mussà preoccuppà suenter ils discurs cun regenza ed opposiziun. Brahimi tema ch'il cunflict sanguinus tranter regenza ed opposiziun sa derasia e smanatschia da cumpigliar l'entira regiun, cun consequenzas per l'entir mund.
La regenza sirica vul sustegnair iniziativas per ina miglier da la situaziun. Tenor l'agentura da novitads statala Sana dentant mo talas senza intervenziun da l'exteriur. (sd/sda)
Intermediatur d’ONU s’inscuntra cun al-Assad
11.54
En la Siria è l'intermediader spezial da l'ONU Lakhdar Brahimi s'inscuntrà cun il president Bashar al-Assad. Quai tenor rapports da l'agentura da novitads statala sirica. Dapi gievgia è Brahimi en la Sira per discurs cun tut las partidas dal conflict.
Gia discurrì ha el cun il minister da l'exteriur Walid al-Muallim. Davart dal cuntegn dals discurs n'è anc nagut enconuschent.
Dapi l'emprim da settember è Brahimi en l'uffizi ch'el ha surprendì da Kofi Annan. Suenter quests discurs vul Brahimi suttametter a l'ONU ses plan per finir il conflict en la Siria, nua che opposiziun e regenza han cumbats violents dapi 18 mais. Cun ina schliaziun sperta na quinta Brahimi dentant betg. (sd/sda)
