Sistem da paja duai restar il medem
-
- Zoom
- L'auzament da paja automatic na vegn betg stritgà. (RTR, F. Andriuet)
Il sistem da paja da l'administraziun federala duai restar tuttina. Il cussegl dals chantuns ha refusà ina moziun ord il cussegl naziunal che vul stritgar l'auzament da paja automatic da 1 fin 2%.
Tgi che prestia lavur sur la media duai survegnir in'auzament da passa 5%. Cunter quella proposta è la chombra pitschna. Cun ina tal sistem flexibel svaneschia la transparenza, uschia è vegnì argumentà. Era la ministra da finanzas Eveline Widmer-Schlumpf è cunter la moziun. Ina flexibilisaziun cumplaina na fetschia nagin senn. (fc/cdp)
