Cusseglier naziunal Peter Malama è mort
-
- Zoom
- Peter Malama è mort en la vegliadetgna da 51 onns. (Keystone)
Il cusseglier naziunal da Basilea, il liberaldemocrat Peter Malama, è mort la notg passada en la vegliadetgna da 51 onns. Quai è vegnì confermà dal president da l'uniun commerziala da Basilea-citad, Marcel Schweizer.
Malama era dapi 4 onns per la PLD en il cussegl naziunal e commember da la cumissiun social-politica. Gia dapi onns pativa Peter Malama da cancer. El lascha enavos ina dunna e 3 uffants. (fc/sda)
