Libia / Bengasi

Demonstrants han assaglì ina basa da milissa radical-islama

  • Publicaziun: 22-09-2012, 09.39

Tschients da demonstrants han assaglì a Bengasi ina basa da la milissa radical-islama Ansar al-Scharia. Quella vegn fatga responsabla per l'assagl dal consulat american avant in'emna. Là eran l'ambassadur american e 3 ulteriuras persunas vegnidas mazzadas.

Ils demonstrants han stgatschà ils cumbattants dad Ansar al-Scharia ed han dà fieu al bajetg. Suenter han els attatgà in'autra milissa. Tenor rapports betg confermads sajan 3 demonstrants vegnids mazzads. Avant eran da quai da 30’000 persunas idas sin via a Bengasi per protestar cunter las milissas. (fc/sda)