Gea a contract che lubescha da stgaffir in reservat da guaud
-
- Zoom
- Il guaud da natira tranter Cumbel e Glion sa chatta sin ina costa che ruschna. (RTR, L. Livers)
Votantas e votants da Luven han approvà venderdi saira in contract che lubescha a chantun e confederaziun da stgaffir in reservat da guaud en la regiun da Gatgs. La vischnanca politica e la vischnanca burgaisa han ditg unanimamain gea a quest contract.
Quest project da reservat pertutga pliras vischnancas. Uschia han era Glion e Cumbel da decider proximamain en chaussa.
Plinavant ha la radunanza communal da Luven approvà il quint dal 2011. Quel serra cun in minus da 150’000 francs. Quai tar ina summa da bilantscha dad 1,2 milliuns francs. (ll/fc/rtr)
