Furmla 1 / Grond Premi

Lewis Hamilton parta da la pole position

  • Publicaziun: 22-09-2012, 16.23

Il pilot englais da Mc Laren Mercedes, Lewis Hamilton, parta dumengia da la pole position per il Grond Premi da Furmla 1 da Singapur.

Lewis Hamilton ha dominà il qualifying da Singapur avant Pastor Maldonado cun Williams ed avant il campiun mundial actual Sebastian Vettel cun Red Bull. Il leader dal classament general da la Furmla 1, Fernando Alonso, ha fatg il 5avel meglier temp.

 


Squadra da Sauber

 

Betg rangads en ils top ten èn ils pilots da la squadra svizra da Sauber. Sergio Perez parta da posiziun 14, Kamui Kobayashi sin plazza 18. (fc/sda)