16 da 23 animals controllads èn infectads

Las consequenzas dal virus dal Schmallenberg sa mussan ussa. Il virus che attatga vatgas, chauras e nursas vegn dà vinavant al fetus e chaschuna aborts ed animals defurmads. Da 23 animals controllads en il Grischun eran 16 infectads cun il virus privlus. Sco quai ch'il viceveterinari chantunal Giochen Bearth ha ditg al Radio Rumantsch saja la cifra dentant da relativar. L'uffizi haja survegnì paucs resuns da purs ed organisaziuns da tratga davart defurmaziuns. (rtr/ec)