Bursa

Dow Jones uschè aut sco anc mai

L'index da la bursa americana è vinavant sin curs da record. Il Dow Jones ha avert sin bunamain 14300 puncts. Ier ha l'index cuntanschì in record cun surpassar per l'emprima giada en l'istorgia ils 14200 puncts. Serrà ha il Dow Jones sin 14253 puncts. Tenor ils commerziants a la bursa hajan las datas positivas dal martgà da lavur rinforzà ils curs da las aczias. L'occupaziun en ils Stadis Unids da l'America è creschida il favrer pli fitg che spetgà. (sda/ec)