Epidemia da grippa

Il pir è surmuntà

En Svizra sa calma l'epidemia da grippa plaunet. Il mument èn bain anc adina tuttas regiuns e tuttas vegliadetgnas pertutgadas. Quai ha communitgà l'uffizi federal da sanadad BAG. L'emna passada ha il BAG dentant registrà en media mo pli 30 cas da grippa sin 1000 consultaziuns. L'emna avant eri anc 38 cas.

Il dumber dals cas novs è dapi l'entschatta da l'onn sur la limita d'epidemia. Sco quai che l'uffizi da sanadad scriva saja il punct culminant dentant cuntanschì u surpassà. (sda/ec)