Siria

Liga araba accepta l’opposiziun

La liga araba vul acceptar l'opposiziun siriana sco commember da l'organisaziun. Tenor la decisiun dals ministers da l'exteriur dals stadis commembers, duai l'opposiziun siriana esser represchentada en la liga araba gia al proxim inscunter la fin da mars. La cundiziun è dentant che l'allianza da l'opposiziun nominescha in cussegl executiv sco represchentant durant il temp da furmar ina regenza en la Siria.

Il november 2011 aveva la liga araba refusà in commembradi da la regenza da la Siria sut il president Baschar al-Assad, quai pervi da la violenza dal reschim cunter demonstrants.