Cussegl naziunal

Na a l’iniziativa da medis da chasa

L'iniziativa da medis da chasa na plascha betg al parlament federal. Suenter il cussegl dals chantuns ha ussa era il cussegl naziunal ditg na a l'iniziativa che vul promover spezialmain medis da chasa.

Cun 66 cunter 59 vuschs tar 57 abstenziuns ha il cussegl naziunal refusà l’iniziativa en favur d'ina cuntraproposta directa ch'il cussegl federal vul far. Enstagl da focusar sin ils medis da chasa duai la cuntraproposta focusar sin il provediment da basa en general ed uschia era cumpigliar persunas da tgira ed apotechers.

Ch'i dovria urgentamain mesiras cunter la mancanza da medis da chasa n'è betg stà dispitaivel en il parlament. (sda/ec)