Iniziativa cunter raffaders

Pliras firmas internaziunalas pudessan bandunar la Svizra

Suenter il gea a l'iniziativa cunter raffaders - planiseschan para pliras firmas internaziunalas da bandunar la Svizra. Ils plans per ir davent sajan gia elavurads, ha il president dad economiesuisse Rudolf Wehrli confermà a la Rundschau da mesemna saira. El sappia persunalmain da scenaris che vegnian examinads.

Dumengia passada ha la populaziun svizra approvà l'iniziativa cunter raffaders cun 68% gea. Cun dar dapli cumpetenzas als acziunaris vul l'iniziativa impedir remuneraziuns excessivas. (sda/ec)