Grischun

220 damain persunas dischoccupadas il favrer

En il Grischun è il dumber da dischoccupads sa sminuì il favrer. Sco quai che l'uffizi per industria e lavur chantunal communitgescha, eran annunziads il favrer 2’016 persunas senza lavur. Quai è ina quota da 1,8% e 220 persunas damain ch'il schaner.

Tar ils 2’016 dischoccupads tutgan 581 dunnas e 1’435 umens. Il pli aut dumber da dischoccupaziun han registrà l’industria da construcziun, l’hotellaria ed il commerzi en detagl.

 

 

Situaziun en l’entira Svizra

 

En Svizra stagnescha la dischoccupaziun il favrer sin 3,4%. Il dumber da persunas dischoccupadas è sa reducì da 148’158 sin 146’001 persunas. Cunquai è il dumber da dischoccupads sa sminuì per l'emprima giada dapi 6 mais. (cdp/fc)