Cussegl grond

Limitar temp da votum per lavurar pli effizient

Il cussegl grond duai lavurar pli effizient. La cumissiun predeliberanta ha perquai preschentà sias propostas per augmentar l’effizienza.

Tranter auter vegn proponì da limitar il temp da votum dals commembers e da las commembras dal cussegl grond sco er da la regenza. En pli duai vegnir reglada da nov l'ura da dumondas. Las dumondas inoltradas duain vegnir repartidas ordavant, uschia che quellas na ston betg vegnir prelegidas. Las propostas vegnan tractadas dal cussegl grond en la sessiun d'avrigl. (sda/fc)