Banca naziunala svizra

Gudogn da 6,9 milliardas francs il 2012

La banca naziunala svizra ha fatg l'ultim onn in gudogn da milliardas. Sin basa da concern muntia il surpli a 6,9 milliardas francs, ha communitgà la banca. Tranter auter hajan ins pudì profitar dal pretsch d'aur ch'è creschì.

Il fond da stabilisaziun che la banca aveva fundà il 2008 cun palpiris toxics da l'UBS, ha er quest onn nudà in resultat positiv e contribuì passa 930 milliuns francs al gudogn dal concern. Tenor cunvegna vegn 1 milliarda dal gudogn pajada a la confederaziuns ed als chantuns. (sda/fc)