Segundas abitaziuns

La SGH na sto betg gidar a mitigiar la situaziun

La societad svizra per credit da hotels SGH na duai betg daventar responsabla per mitigiar las consequenzas da l'iniziativa per limitar segundas abitaziuns.

Il cussegl naziunal ha refusà ina moziun dal cussegl dals chantuns. Quella vuleva pretender che la SGH sustegnia programs per augmentar la valur da la hotellaria ubain da transfurmar letgs fraids en letgs chauds.

Dapi che l'iniziativa per limitar segundas abitaziuns è vegnida acceptada sa tegnan las bancas numnadamain enavos cun dar credits. (sda/ec)