Svizra

Orell Füssli e Thalia stgaffeschan ina societad communabla

Las gruppas da commerzi da cudeschs Orell Füssli e la Thalia mettan ensemen lur fatschentas da cudeschs en Svizra. Orell Füssli ed il concern tudestg Thalia stgaffeschan ina societad communabla a la quala omadus èn participads cun la mesadad.

Sco quai ch'ils 2 concerns han communitgà, veglian ins uschia dumagnar las provocaziuns dal martgà da cudeschs. Davart consequenzas per ils collavuraturs dals 2 concerns n'è vegnì communitgà nagut. A la fusiun sto dentant anc l'uffizi da concurrenza dar ses consentiment. (sda/fc)