Pievel prenda cumià da lur president barmier Hugo Chavez
In di suenter la mort dal president da la Venezuela Hugo Chavez è sia bara vegnida transportada en l'academia dal militar a Caracas. Ordavant eran pliras 100’000 persunas idas sin via durant che l'auto da morts era charrà tras la citad principala.
Suenter in til da bara da bun 7 uras tras la citad è la bara dal schef dal stadi arrivada a l'academia dal militar. Là resta la bara da l'um da 58 onns enfin tar il funeral ch'è venderdi. (sda/fc)
Hugo Chavez, il president da la Venezuela è mort, ha communitgà il vicepresident Nicolas Maduro a la televisiun statala. L'um da 58 onns aveva dapi 2 onns cancer. Mardi saira ha el pers il cumbat cunter sia malsogna. dapli 06-03-2013 President Hugo Chavez è mort
