Hockey sin glatsch

Ronny Keller restà schirà

Il profi da hockey sin glatsch, Ronny Keller da l’EHC Olten,ha rut il quart spinal dal pèz e resta perquai schirà. Quai ha il schefmedi da la clinica svizra per paraplegichers a Nottwil confermà.

En il duel da playoff tranter Olten e Langenthal è il defensur dad Olten, Ronny Keller, vegnì blessà talmain ch'el resta paraplegic.

Actualmain è Keller anc sin la staziun intensiva. El n’è betg vegnì blessà vid il chau u il tscharvè. El saja alert, ins possia pledentar el ed el saja era orientà davart las consequenzas da ses accident. (sda/ec)