Bregaglia

Scolasts s’engaschan vinavant per collavurar cun l’Italia

En la Bregaglia s’engaschan ils scolasts vinavant per ina collavuraziun cun la scola en l'Italia. Els veglian discutar cun il cussegl scola co reactivar il project che la radunanza communala da la Bregaglia ha refusà il schaner, ha ditg la manadra da scola Elena Salis al schurnal regiunal da radio SRF.

L'idea fiss ch'ils uffants da scolina da la Bregaglia frequentan la scolina en l'Italia, persuenter duain ils scolars talians dal stgalim superiur vegnir en la Bregaglia a scola. Uschia fiss garantì dapli scolars en las classas e cunquai era ina meglra qualitad. (srf/fc)