Lumnezia

Sigis Cantieni è s’engaschà 40 onns per la scola da skis

Sigis Cantieni va en pensiun suenter avair lavurà 40 onns sco scolast tar la scola da skis Lumnezia. La lavur dal scolast da skis haja adina plaschì ad el, di Sigis Cantieni. Era sch’i saja l’entschatta betg adina stà uschia simpel.

En ils egls da la populaziun lumneziana eran scolasts da scola da skis numnadamain ‘playboys’, di Sigis Cantieni. Cun organisar grilladas per indigens e per osps e cun mussar avant co ch’ils scolasts da skis pon ir cun skis, saja il maletg ch’intgins avevan dal scolast da skis sa midà.

 

Oz organisescha la scola da skis era mintga venderdi ina cursa da skis per ils uffants che han emprendì durant l’emna dad ir cun skis. Quellas cursas commentescha Sigis Cantieni. Sch’i fa da basegn, lura vul Cantieni era vinavant sa gidar ora cun dar scola da skis. (rtr/fc)