Arosa / Lai

Sustegn finanzial per colliaziun dals territoris da skis

La confederaziun e la regenza grischuna sustegnan la colliaziun dals 2 territoris da skis Arosa e Lai. En il rom da la nova politica regiunala ha la confederaziun concedì in emprest da 4 milliuns francs per quai project.

Quest emprest sto dentant vegnir pajà enavos entaifer 15 onns. Sco cuntraprestaziun a l'emprest garantescha il chantun ina contribuziun chantunala da bunamain 930'000 francs. Entras questa colliaziun daventa il territori da skis da Lai ed Arosa in dals pli gronds dal Grischun. (cdp/fc)