Corea dal nord

Ulteriuras sancziuns davart l’ONU

L’ONU augmenta il squitsch sin la Corea dal nord. 3 emnas suenter il davos test d'atom da la Corea dal nord ha il cussegl da segirezza da l'ONU decidì pli fermas sancziuns. Unanimamain ha il cussegl introducì ulteriurs scumonds da viagiar e bloccadas da contos da banca. Questas mesiras sa drizzan en spezial envers diplomats da la regenza.

Ils davos dis ha la Corea dal nord smanatschà d'attatgar ils Stadis unids sche las sancziuns vegnian rinforzadas. (sda/ec)