Rona/Mulegns

Chattà drogas tar 86 persunas

Al festival da Goa “Summer Never Ends” tranter Rona e Mulegns ha la polizia chantunala fatg passa 100 controllas da drogas tranter mesemna e glindesdi. Tar 86 da questas ha la polizia chattà drogas.

Chattà ha la polizia da tuttas drogas: Da LSD sur coniv ed extasy fin a bulieus illegals. Tenor la polizia chantunala han 2 persunas gì plirs kilos drogas da “design”. Questas èn vegnidas arrestadas suenter avair controllà las abitaziuns da las persunas. Las persunas ch'han gì grondas quantitads da drogas ston quintar cun ina denunzia pervi da commerzi cun drogas. (sda/sd)