Plazzas libras tar RTR

Tar Radiotelevisiun Svizra Rumantscha èn las suandantas plazzas vacantas.

Plazzas stablas

Zoom

Magazin da la saira dal radio cun Olivia Hitz e Gabriela Desax. (RTR) 

Sche vus
- essas versà en il linguatg rumantsch
- avais interess per dumondas dal mintgadi
- essas plain mirveglias
- pudais differenziar l'essenzial dal main essenzial
- chattais immediat il coc, il nuschegl
- e.u.v.

alura essas vus tar nus en il dretg lieu, numnadamain sco schurnalistA da radio, televisiun u multimedia.

Schurnalissem
Radiotelevisiun Svizra Rumantscha porscha las suandantas professiuns:
- redacturA da radio, televisiun, multimedia
- moderaturA
- redacturA regiunalA
- redacturA da musica

Administraziun e tecnica
Per che l'interpresa funcziuneschia dovri er glieud qualifitgada davos las culissas. Quai schebain en l'administraziun sco tar la tecnica. Premissas dasper ina qualificaziun professiunala èn conuschientschas dal rumantsch ed in'affinitad per las medias audiovisualas e multimedialas.

Professiuns tar l'administraziun:
- collavuraturA en differents secretariats
- telefonistA
- referendariA da finanzas
- referendariA da resursas umanas
- documentalistA

Professiuns tar la tecnica:
- realisaturA da tun
- montader/-dra da video
- um/dunna da camera
- informaticher/-cra

Stage, fufragnadi u praticum en las redacziuns da RTR

Zoom

Collavuratura da RTR vid la lavur (RTR) 

Radiotelevisiun Svizra Rumantscha na tschertga betg sulettamain schurnalistAs scoladAs, mabain dattan era la pussaivladad d'emprender las professiuns schurnalisticas.

Stage
Il stage è ina furma da contract che RTR porscha a giuvnas e giuvens tranter 20 e 25 onns che vulan emprender la professiun da schurnalistA da radio, televisiun e/u multimedia. La scolaziun ha lieu en las redacziuns da RTR ed a la MAZ a Lucerna (scolaziun da diplom DAJ). L'inserat per la plazza da stage è publitgà survart.

Fufragnadi u praticum
Tgi che vul far in fufragnadi (1 fin 5 dis) u in praticum (1 fin 6 mais) en las redacziuns da RTR po scriver in e-mail cun il formular sutvart. RTR emprova da resguardar tant sco pussaivel las singulas dumondas per fufragnadis u praticums. Ina garanzia na pudain nus dentant betg dar, nus decidain da cas tar cas tenor basegn d’interpresa.

Lavuratori FAR MEDIAS
Mintgamai la primavaira porscha RTR il lavuratori FAR MEDIAS (guardar inserat survart). Durant in di avra RTR ses studios a persunas che vulessan magari midar professiun e daventar schurnalista u schurnalist.