Recepziun sur undas ultracurtas (UUC)

Tgi che taidla radio fa quai per il solit sur undas ultracurtas (UKW). Sur quellas pon ins retschaiver il program dal Radio Rumantsch en l'entir chantun Grischun ed en la Val dal Rain.

Las frequenza da Radio Rumantsch en vossa regiun chattais qua: http://www.broadcast.ch/AntennaSearch.aspx?ST=Ant.
 

Recepziun sur la rait da cabel

Tadlar Radio Rumantsch sur la rait da cabel è per gronda part pussaivel senza disturbis e porscha ina acustica fitg plaschaivla. Quai dentant mo staziunar e sche la rait da cabel offrescha en sia paletta da program il RR. Sch'il Radio Rumantsch è sin la rait da cabel da voss domicil chattais vus sut http://www.broadcast.ch/CableSearch.aspx?ST=Cab. Na duess quai betg esser il cas, dumandai l'interpresa da la rait da metter RR sin la paletta da programs; quai po purtar fritg.

Recepziun sur DAB e DAB+

Era en il sectur dal radio digital datti cuntinuadamain progress tecnologics. La SRG SSR ha perquai decidì da realisar la rait dal radio digital en il Grischun tenor il pli nov standard, numnadamain en DAB+ (Digital Audio Broadcasting). DAB+ è in svilup ulteriur dal standard da DAB e permetta da transmetter sin la medema frequenza anc dapli programs en ina qualitad optimada. In receptur cumpatibel per DAB+ po era retschaiver signals da DAB.

Per pudair giudair la purschida dal radio digital duvrais vus in receptur adattà. Radios en il standard da DAB+ pudais vus cumprar a partir da var CHF 100.- en il commerzi spezialisà.

Ulteriuras infurmaziuns chattais vus sin www.digitalradio.ch.

Recepziun sur satellit

Radio Rumantsch emetta ses program nuncodà en il standard DVB sur il satellit EUTELSAT HOTBIRD 3. Per che vus possias tadlar radio sur satellit, duvrais vus in'antenna parabolica ed in receptur spezial.

Las frequenzas pon variar da regiun a regiun. Las indicaziuns qua sut valan per pliras regiuns e servan sco basa per programmar voss receptur.

DVB-Radio Program: Radio Rumantsch
Satellit: Eutelsat Hotbird 3 13,0°E)
Transponder: 12.399 H
Astra Digital Radio: MPEG-2 SR 27500 - FEC 3/4
Audio-Frequenz: 216 Rom

Ulteriuras infurmaziuns davart la derasaziun dal program da Radio Rumantsch ed ils ulteriurs radios da la SRG SSR Idée suisse chattais vus era sin http://www.broadcast.ch.

Taxa da recepziun

La SRG SSR idée suisse porscha cun ses programs da radio e televisiun prestaziuns per incumbensa da la publicitad: il service public. Ella serva exclusivamain a la communitad e n'ha betg la mira da far in gudogn.

La SRG SSR sa finanziescha per gronda part d'entradas da taxas, però era da contribuziuns da sponsurs e da propaganda e d'autras entradas commerzialas. Ella survegn taxas da recepziun per pudair ademplir l'incumbensa ch'ella ha retschet dal Cussegl federal: producir e derasar programs da radio e televisiun equivalents per l'entira Svizra en tut las quatter linguas naziunalas. Quai vul dir: programs per ina pitschna fiera cun quatter linguas ed en tut var set milliuns persunas.

La svieuta annuala da la SRG SSR munta a var 1,6 mia. francs. 75% da las entradas da la SRG SSR derivan da las taxas da recepziun, 25% d'entradas commerzialas e d'auters retgavs sco p.ex. la vendita d'emissiuns ad auters emetturs da radio e televisiun.

Be ina giada per onn

Il Cussegl federal ha decidì che las taxas fixadas en la lescha da radio e televsiun vegnan facturadas a partir dal 2011 empè da quatter giadas da nov mo pli ina giada ad onn. Dapi il 1998 incumbensescha la Confederaziun la firma Billag d’incassar las taxas respectivas. La Billag ha ultra da quai l’incarica d’infurmar la populaziun davart l’obligaziun da s’annunziar e da pajar taxas. Tut quai che las persunas obligadas da pajar taxas ston savair davart las tariffas e surtut davart la midada en connex cun il quint annual chatt’ins sut www.einerechnung.ch.