Zoom

(RTR) 

Archiv RTR

L’archiv RTR cuntegna ina gronda part da las emissiuns e contribuziuns ch’èn vegnidas producidas ils davos 60 onns. Quests documents stattan a disposiziun a las redacziuns RTR sco era ad interessents d’ordaifer la chasa. Actualmain vegn ina part da l’archiv digitalisada en il rom dal “Project archiv RTR”.

Ina pitschna part da las emissiuns da radio vegn preschentada sin las proximas paginas. Vus pudais eleger l’emissiun en la colonna dretga. Cun il temp duai la schelta da las emissiuns vegnir schlargiada. Ord raschuns da dretgs n’èsi dentant betg pussaivel da tadlar ils documents direct via la rait.

Per tschertgar emissiuns e contribuziuns RTR pudais era nizzegiar la funcziun da tschertga.

En la Biblioteca chantunala a Cuira èsi pussaivel d’emprestar las suandantas emissiuns da RTR sin cassetta ubain sin disc: Telesguard, Cuntrasts, Profil, Scuntrada, La marella, Accents, Forum. Detagls èn da chattar en il catalog da la biblioteca.
Ils detagls co empustar copias dad emissiuns RTR chattais Vus sin nossa pagina d'empustaziun.

Sche Vus avais dumondas pertutgant documents pli vegls da radio e televisiun pudais nizzegiar il formular da contact.