Lovebugs - Life Is Today

Dapi il 1993 datti ils Lovebugs da Basilea, e durant quels 19 onns han els fatg albums da success, gì chanzuns en las paradas da hits, sunà tar concerts ed open airs ed han cuntanschì ils cors da lur fans. Ils Lovebugs han lur fermezzas: la vusch da Adrian Sieber, la musica che ha sias ragischs en il britpop, las balladas che tutgan e savens er chanzuns che paran da sgular e daventan adina pli maiestusas. Per realisar lur 11avel album "Life Is Today" han Adrian Sieber, Thomes Rechberger, Stefan Wagner, Florian Senn e Simon Ramseier duvrà bler temp e spazi, han empruvà fin ch’els han chattà la melodia ed il groove. Il resultat èn 15 chanzuns che van spert en l’ureglia e che restan. perlas sco “Beautiful One” e “Truth Is” e las bellas collavuraziuns cun Sören Huss da Saybia, cun la canadaisa Rykka e cun Sarah Bettens da K’s Choice.
Redacziun: Jachen Prevost