Savognin e Lumbrein sunan

L'entschatta d'avrigl 2012 avain nus registrà la Musica da Savognin e quella da Lumbrein. L'Artg musical porta quellas novas registraziuns e discurs cun ils responsabels. La Muisca instrumentala da Savognin vegn dirigida dapi 10 onns d'Adrian Farrér. Nus udin: Alamo, in marsch da Karl L. King, Gimme Hope Jo'Anna e Stay The Night. La Musica da Lumbrein suna sut la batgetta da Marcel Cadalbert il marsch Colonel Bogey, Pirates Of The Caribben, A Littel Prayer (solo d'eufoni: Martin Giusep Capaul ed Alice Cadalbert) ed il toc tradiziunal Men of Harlech.
Redacziun: Giusep G. Decurtins