Truvada

Dapli daners, dapli collavuraziun e pli pauc discriminaziun han politichers e stars pretendì a la conferenza mundiala cunter SIDA a Washington. Var 25'000 participantas e participants discuteschan anc fin venderdi davart dal progress e sur da studis en il cumbat cunter l’epidemia da HIV. Curt avant la conferenza han las autoritads americanas lubì il medicament “Truvada” che duai avair in effect preventiv. Co funcziuna quest medicament? E tgi duai prender “Truvada” sco med preventiv?