Arnold Spescha

Arnold Spescha è naschì l’onn 1941 a Pigniu. El ha fatg il seminari da scolasts a Cuira. Suenter ha el fatg il studi da la romanistica a Turitg, Aix-en-Provence e Perugia. El ha fatg il doctorat. Plinavant ha el era fatg studis da musica. L’onn 1969-2004 è el stà scolast da franzos, rumantsch e talian a la Scola chantunala Cuira. El è stà conrectur. Plinavant è el era stà incumbensà cun curs da lingua e litteratura rumantscha a las Universitads da Friburg e Turitg. Ina da sias passiuns è la musica, el è stà dirigent da la musica militara e da la Musica da la citad da Cuira. Arnold Spescha ha era redigì la Grammatica sursilvana (1989) ed il Vocabulari fundamental sursilvan (1994). En pli ha el era scrit ulteriuras lavurs davart lingua, litteratura e musica. El scriva anc adina lirica e prosa en sursilvan. Arnold Spescha è bab da trais uffants creschids.