Ursicin G. G. Derungs

Ursicin Gion Gieli Derungs è naschì l'onn 1935 a Vella, el ha passentà sia uffanza en Val Lumnezia. Suenter il gimnasi tip A a Mustér, ha el studegià filosofia e teologia a Roma, Tübingen e Turitg e finì cun la promoziun. Gia avant sia scolaziun universitara era Ursicin entrà en claustra a Mustér. La vita en claustra na plascheva dentant betg al giuven teolog, uschia ch'el ha annullà sia empermischun. Suenter ha el instruì sco scolast da scola media al gimnasi svizzer a Milaun. Derungs che viva a Vella ed a Milaun s'ha er fatg in num sco redactur da la "Litteratura" e sco translatur da Shakespeare, Dante e Frisch per rumantsch.