Magazin da cultura

In edifizi nov per il museum d'art da Cuira

Il Sulserbau vegn disfatg, persuenter duess in edifizi nov porscher dapli spazi per exponer art e per l'infrastructura moderna. La concurrenza per engrondir il museum ha il biro d'architectura Barozzi Veiga da Barcelona gudagnà. Daco ha gist il project "Die Kunst der Fuge" persvadì? Tge sa mida cun quest edifizi nov? E daco èsi insumma necessari d’engrondir il museum d'art da Cuira per 28,5 milliuns francs?
Redacziun: Angela Hitz

La poesia dal mais

En la rubrica «La poesia dal mais» preschenta Clà Riatsch la famusa poesia «Allas steilas» dad Alfons Tuor. En quella fa il poet dumondas a las stailas. Ma tschiffa el ina resposta?
Redacziun: Esther Krättli