Management da cultura

Planisar, coordinar, finanziar, publitgar e vender in project cultural, quai è intginas lavurs ch'in manager da cultura ha da far. Gianna Cadonau è ina managera da cultura. Sia finamira è da planisar davent tut ils problems, uschia che l'artist u l'artista ha avunda spazi per crear libramain ses art. Tge èn concretamain las incumbensas d'ina managera da cultura, dovri insumma questas persunas e quant creativa è questa professiun? Gianna Cadonau raquinta da sias experientschas davos la tribuna era en connex cun il project "Gian Girun".
Redacziun: Angela Hendry