Il Tavulin litterar

Per il Tavulin litterar ha il Radio Rumantsch envidà Clà Riatsch, docent da litteratura rumantscha a l’universitad da Turitg, e Hardy Ruoss, expert da litteratura svizra ed anteriur redactur tar DRS 2. En il center da l’emissiun stattan dus cudeschs dad in’autura e d'in autur svizzer che prelegian als Dis da litteratura a Soloturn da la fin d’emna d’Ascensiun. Discutà vegni sur da “Ausser sich” da Ursula Fricker e sur da “Spaziergänge” da l’enconuschent scrivent e cabarettist Franz Hohler.
Redacziun: Esther Krättli