Vins e vignas en Vuclina

Ditg e lung eran ils vins da la Vuclina per ils grischuns ina part da lur cultura culinarica. Ma ils davos ventg onns è quai sa midà, di il viticultur passiunà, Domenico Triacca. Ils svizzers hajan vieut las spatlas als vins da la Vuclina. Segir e franc datti blers motivs per quest fatg, il ”Image” dal “Pfiff” ch’ins sa sulettamain baiver sin las chamonas da muntognas, fa segir e franc era part da quest problem. In fenomen grev chapibel – pertge ch’ils vins da la Vuclina tutgan oz tar ils megliers da l’Italia, quai mussan premis naziunals ed internaziunals. Nus dain in sguard en la Vuclina, sin lur terrassas da vignas, sin las metodas modernas da producziun e sin lur vins.
Redacziun: Andrin Willi