Episoda 61

Grond di da festa quest'emna tar ils Caflischs a Surgonda. Ils 26 d’avrigl 2012 po il bab Martin festivar ses 45avel. E sia dunna Ernesta ed ils uffants Severin e Pirmina sa dumondan tge regalar. Qua ha Severin ina bun'idea, era sche quest regal n'è betg bunmartgà. La famiglia dat er si ina gratulaziun al radio e giavischa la chanzun preferida da Martin Caflisch - ina chanzun sur dal sgular! "Vita capita" - la radionovela per sgular tras l'emna.
Reschia: Michel Decurtins-Capaul