Vita capita - radionovela

Ils da Surgonda

Nus raquintain l’istorgia da diversas persunas en ina vischnanca tipicamain rumantscha – da Surgonda. En il center stat la famiglia Caflisch: mamma Ernesta, bab Martin, figl Severin e figlia Pirmina. E tar ils Caflischs a Surgonda schabegia bler, fitg bler – la vita capita! P.ex. ha il tat dals Caflischs in infarct. La figlia Pirmina ha mal d’amur. E pertge sto l’onda Paula emigrar en Australia? Forsa pervi da sia affera zuppada cun Remo Casty, in um maridà da Surgonda? Tgi sa? Ed a Surgonda schabegia anc dapli: I dat in Volg che sto forsa serrar sias portas. I dat festas e disgrazias, temas e clichés, amur e dolur, speranzas e dischillusiuns, tschiel ed enfiern. Insumma: la “Vita capita” a Surgonda.

Ernesta Caflisch

  • Mamma
  • 42 onns (19-07-1969)
  • Creschida si a Surgonda
  • Ernesta ha ina sora: Paula Farrèr
  • Lavura parzialmain en la chanzlia communala
  • Singuls abitants da Surgonda vulessan ch’ella daventass presidenta communala
  • Chanta en il Chor maschadà da Surgonda

Martin Caflisch

  • Bab
  • 44 onns (26-04-1967)
  • Lavura dapi 13 onns en la scrinaria dad Alfons Battaglia
  • Martin è chatschader e commember da la Societad da tir.
  • El n’è anc main ì davent da Surgonda.
  • Grond siemi: ir (u forsa perfin emigrar?) en Canada

 

Pirmina Caflisch

  • Figlia
  • 15 onns (30-08-1996)
  • Va il davos onn a scola, en secundara.
  • Ha bels egls verds
  • Ultim onn en scola secundara, faschess gugent la scola d'hotellaria, fa però l'emprim la scola da commerzi.

Severin Caflisch

  • Figl
  • 17 onns (18-11-1994)
  • Vegn numnà «Sevi» da sia sora Pirmina
  • Fa in emprendissadi da KV
  • Gioga en ses temp liber tar il Club da ballape Surgonda

Tat Bernard Caflisch

  • 75 onns, vaiv
  • Fimader e chatschader
  • Tat Bernard ha gì dacurt in infarct, vul ussa però maridar Maria-Pia Jenal

 

Maria-Pia Jenal

  •  70 onns, vaiva
  • Viva dapi 10 onns suletta
  • Fa qua e là lavurs da cusunza

 

Lucia dal Volg

  • 49 onns, nubila
  • Mamma da Marisa, ella ha tratg si suletta sia figlia
  • Ha atgnamain num Lucia Demarmels, ma tuts la numnan «Lucia dal Volg»
  • Lucia ha u ha gì in problem d’alcohol

 

Marisa Demarmels

  • 16 onns
  • Figlia da «Lucia dal Volg»
  • Buna scolara e buna amia da Pirmina Caflisch
  • Introvertada, magari era in zic nauscha e schigliusa

 

Paula Farrèr

  • 39 onns, nubila
  • La sora dad Ernesta Caflisch
  • Emigrada en Australia, lavura là en in hotel da tschintg stailas
  • Ha gì trais onns in’affera zuppada cun Remo Casty

 

Alfons Battaglia

  • 56 onns, maridà
  • Schef da la scrinaria «Battaglia SA»
  • Dapi 5 onns president communal

 

Remo Casty

  • 45 onns, maridà
  • Bab da famiglia, maridà cun Urezza Casty-Fliri
  • ha gì trais onns in’affera zuppada cun Paula Farrèr
  • Manader da la banca e chatschader

 

Urezza Casty-Fliri

  • 44 onns, maridada
  • Dunna da Remo Casty
  • Chanta en il Chor maschadà da Surgonda

 

Hans Gruber

  • 57 onns, maridà
  • Ha ina stizun da ferramenta e da rauba da chatscha
  • Oriund dal Tirol dal Sid, discurra perquai cun accent tirolais
     

Ulteriuras persunas: Dr. Oscar Pedretti, Victor Derungs, Mikki Castellani, Jachen Bonorand e blers blers auters…

La vischnanca Surgonda

A Surgonda vivan var 800 persunas. La vischnanca ha ina scola primara e secundara, ina posta, ustarias, singuls hotels, baselgias ed ina stizun. La cuminanza vegn tgirada en diversas uniuns. Ina spezialitad da Surgonda: la vischnanca è a medem mument catolica e refurmada en ina – ha baselgias per omaduas confessiuns. In lieu da scuntrada è l’ustaria Crusch Alva. E là dat da discutar savens la fusiun previsa tranter Surgonda e la vischnanca vischina Saluorn.